ஒரு
சம்பிரதாயமான
திருமணப் பதிவில்..
எப்போதோ தெரியப்படுத்திய
அல்லது
தெரியபடுத்தாமல் கைவிடப்பட்ட
ஒரு காதல் ரத்தாவதைப் போல்..
வீட்டு அலமாரியை விட்டு
புடவையைத் தவிர
மற்ற ஆடைகளின் பயணம்
ரத்தாவதைப் போல்
தெளிவில்லாதப் பதட்டத்தைத் தவிர
அதட்டலும்
கண்டிப்பும்
கோபமும்
அப்பாவிடம் ரத்தாவதைப் போல்
புரிந்துக்கொண்டோ,
புரிந்துக்கொள்ளாமலோ
வரிந்துக்கொண்ட சில நட்பும்
ரத்தாகிறது - யார் கையொப்பமும்
இல்லாமல்
ஒரு
சம்பிரதாயமான
திருமணப் பதிவில்.
No comments:
Post a Comment